admin
નવો મંચ: વડોદરાની GSFC યુનિવર્સિટી ખાતે ૨૯-૩૦ જૂન ૨૦૨૬ દરમિયાન યોજાનારી વાઇબ્રન્ટ ગુજરાત રિજનલ કોન્ફરન્સ (VGRC) અને ૩ જુલાઈ સુધી ચાલનારા પ્રદર્શનમાં જી.આઈ. ટેગ (GI-Tag) ધરાવતી પ્રસિદ્ધ પીઠોરા પેઇન્ટિંગ વિશેષ આકર્ષણનું કેન્દ્ર બનશે.
આસ્થાથી આજીવિકા: મધ્ય ગુજરાતના છોટાઉદેપુર, વડોદરા અને પંચમહાલના રાઠવા, ભીલ અને ભીલાલા સમુદાય દ્વારા ઘરની દિવાલો પર ધાર્મિક વિધિ સ્વરૂપે દોરાતી આ કલા હવે કેનવાસ, કાગળ અને હોમ ડેકોર જેવા આધુનિક માધ્યમો સુધી પહોંચી છે.
‘ગરવી ગુર્જરી’નો ડિજિટલ અને આર્થિક સપોર્ટ
આવકમાં વધારો: ગુજરાત રાજ્ય હાથશાળ અને હસ્તકલા વિકાસ નિગમે (GSHHDC) ‘ગરવી ગુર્જરી’ બ્રાન્ડ હેઠળ છેલ્લા ૫ વર્ષમાં કલાકારો પાસેથી ₹૬.૨ લાખથી વધુની સીધી ખરીદી કરી છે, જેનાથી કારીગરોની આવકમાં ૧૫% થી ૩૦% સુધીનો વધારો થયો છે.
આધુનિક ટ્રેન્ડ: ડિઝાઈન વર્કશોપ અને ‘મેડ ઇન ગુજરાત હેન્ડીક્રાફ્ટ સ્ટોરી’ જેવા ડિજિટલ અભિયાનો દ્વારા પીઠોરા આર્ટને ઓનલાઈન માર્કેટ અને વૈશ્વિક ઓળખ મળી રહી છે.
“ગરવી ગુર્જરીએ પીઠોરા કલાને વૈશ્વિક કેનવાસ આપવાની સાથે સ્થાનિક આદિવાસી કલાકારોને આત્મનિર્ભર અને ટકાઉ આજીવિકા પૂરી પાડી છે.”
— પરેશભાઈ રાઠવા (પદ્મશ્રી પુરસ્કાર વિજેતા અને પીઠોરા આર્ટિસ્ટ)
ખાસિયત: વર્ષ ૨૦૨૧માં GI ટેગ મેળવનાર પીઠોરા કલામાં ક્યારેય કોઈ બે ચિત્રો એકસરખા હોતા નથી. કલાકારો પરંપરાગત પ્રતીકોની સાથે આધુનિક વાહનો અને સમકાલીન જીવનના દૃશ્યો વણી લઈને પોતાની આગવી ઓળખ ઊભી કરે છે.
