​દાદરા નગર હવેલી સરકારી કર્મચારી મ્યુચ્યુઅલ એઇડ કો-ઓપ. ક્રેડિટ સોસાયટી લિમિટેડની 59મી વાર્ષિક સામાન્ય સભા સફળતાપૂર્વક સંપન્ન

દાદરા નગર હવેલી સરકારી કર્મચારી મ્યુચ્યુઅલ એઇડ કો-ઓપ. ક્રેડિટ સોસાયટી લિમિટેડની 59મી વાર્ષિક સામાન્ય સભા સફળતાપૂર્વક સંપન્ન

• ​લોનની મર્યાદા ₹7 લાખથી વધારીને ₹10 લાખ કરાઈ, વ્યાજ દર ઘટાડીને 5% કરાયો
• ​સભ્યોને અપાતી લોન ₹37 કરોડથી વધીને ₹56.60 કરોડને પાર
• ​સોસાયટી સતત ‘A’ ઓડિટ ક્લાસ રેટિંગ સાથે 1,757 સભ્યોનો વિશ્વાસ જીતવામાં સફળ

​સિલ્વાસા:

દાદરા નગર હવેલી સરકારી કર્મચારી મ્યુચ્યુઅલ એઇડ કો-ઓપ. ક્રેડિટ સોસાયટી લિમિટેડ, સિલ્વાસાની 59મી વાર્ષિક સામાન્ય સભા (AGM) તારીખ 28 જૂન, 2026ના રોજ કલાકેન્દ્ ખાતે ઉત્સાહપૂર્ણ વાતાવરણમાં સફળતાપૂર્વક યોજાઈ ગઈ હતી. આ બેઠકમાં નાણાકીય વર્ષ 2025-2026 માટેનો વાર્ષિક અહેવાલ અને નાણાકીય કામગીરીના સરવૈયા રજૂ કરવામાં આવ્યા હતા.

શાસન અને સભ્ય સંખ્યામાં મજબૂત પકડ

સોસાયટી તેના પારદર્શક વહીવટ અને શ્રેષ્ઠ શાસનને કારણે લાંબા સમયથી ‘A’ ઓડિટ ક્લાસ રેટિંગ જાળવી રાખવામાં સફળ રહી છે. હાલમાં આ સંસ્થા પ્રદેશના 1,757 સરકારી કર્મચારી સભ્યો ના મજબૂત અને સતત વધતા પરિવારને નાણાકીય સેવાઓ પૂરી પાડી રહી છે.

​નાણાકીય પ્રગતિની એક ઝલક (વર્ષ 2024-25 વિરૂદ્ધ વર્ષ 2025-26)

બેઠક દરમિયાન રજૂ કરાયેલા નાણાકીય આંકડાઓ દર્શાવે છે કે સંસ્થા સભ્યોની નાણાકીય જરૂરિયાતોને પુરી કરવામાં અગ્રેસર રહી છે:

• ​સભ્ય શેર મૂડી: પાછલા વર્ષના ₹40.87 કરોડથી વધીને ₹43.27 કરોડ થઈ છે.
• ​અનામત ભંડોળ: ₹8.73 કરોડથી વધીને ₹9.42 કરોડ સુધી પહોંચ્યું છે.
• ​લોન વિતરણમાં મોટો ઉછાળો: સભ્યોને આપવામાં આવતી લોનમાં નોંધપાત્ર વધારો થયો છે. વર્ષ 2024-25માં ₹37.01 કરોડની સામે વર્ષ 2025-26માં ₹56.60 કરોડથી વધુનું ધિરાણ કરવામાં આવ્યું છે, જે સરકારી કર્મચારીઓ પ્રત્યે સોસાયટીની કટિબદ્ધતા દર્શાવે છે.
• ​આ વર્ષે સોસાયટીએ ₹66.14 લાખનો ચોખ્ખો નફો પણ મેળવ્યો છે.

​ગયા નાણાકીય વર્ષમાં લેવાયેલા સભ્યોપયોગી મહત્વના નિર્ણયો:

સભ્યોની સુખાકારી અને આધુનિકીકરણને ધ્યાનમાં રાખીને સંસ્થા દ્વારા ગત વર્ષે કેટલાક ઐતિહાસિક પગલાં લેવામાં આવ્યા છે:

1. ​ડિજિટલ એપ લોન્ચ: સભ્યો ઘરે બેઠા જ સોસાયટીની સેવાઓનો લાભ લઈ શકે તે માટે અત્યાધુનિક ડિજિટલ મોબાઇલ એપ્લિકેશન શરૂ કરવામાં આવી છે.
2. ​નવી ઓફિસ સ્પેસ: સભ્યોને પ્રત્યક્ષ કામકાજમાં વધુ સારી સુવિધા મળે તે માટે નવી અને આધુનિક ઓફિસ સ્પેસ ઉપલબ્ધ કરાવાઈ છે.
3. ​લોન વીમો: સભ્યોની આર્થિક સુરક્ષા માટે લોન પર વીમા (Insurance) ની સુવિધા અમલમાં મૂકવામાં આવી છે.
4. લોન મર્યાદામાં વધારો અને વ્યાજ દરમાં ઘટાડો: કર્મચારીઓની સુવિધા માટે લોનની રકમ ₹7 લાખથી વધારીને ₹10 લાખ કરવામાં આવી છે. સાથે જ, આર્થિક બોજ ઘટાડવા માટે વ્યાજનો દર 5.5% થી ઘટાડીને માત્ર 5% કરવામાં આવ્યો છે.

​મુખ્ય અતિથિઓ અને નેતૃત્વ

આ ગરિમાપૂર્ણ કાર્યક્રમનું સફળ સંચાલન સોસાયટીની મુખ્ય એક્ઝિક્યુટિવ લીડરશીપ ટીમ દ્વારા કરવામાં આવ્યું હતું, જેમાં મુખ્ય મહેમાન તરીકે શ્રી પંકજ પરમાર ઉપસ્થિત રહ્યા હતા. સંસ્થાના પ્રમુખ શ્રી જીગ્નેશસિંહ પી. સોલંકી અને ઉપપ્રમુખ શ્રી જલરાજ અજિતસિંહ સોલંકી એ હાજર રહી સભ્યોનું માર્ગદર્શન કર્યું હતું.

​“જય સહકાર” અને “સંપ ત્યાં જમ્પ”

મેનેજમેન્ટ ટીમે સોસાયટીના મૂળ મંત્ર “જય સહકાર” અને “સંપ ત્યા જમ્પ” (એકતા જ સમૃદ્ધિ લાવે છે) ને દોહરાવતા તમામ સભ્યોનો તેમના અતૂટ વિશ્વાસ, સહયોગ અને સાથ બદલ દિલથી આભાર માન્યો હતો અને ભવિષ્યમાં પણ આવી જ સહકારી ભાવના સાથે પ્રગતિ કરવાની નેમ વ્યક્ત કરી હતી.